Na santa fimmina, a Siracusa,
ci avia accattatu -bella luciusa-
a un carusìaddu na midagliedda
ca s’appizzà a la maglittedda.

E mi cuntaru c’a un fattu curiusu
pua ci successi a stu meru carusu,
c’a lu miraculu fici gridari
e tanta genti lu jv’a taliari.

Comu la statua ca è a Siracusa
-di na madonna miraculusa-
a quarchedunu di dda midagliuzza
ci vitti scinniri na lacrimuzza.

La gent’allura part’in prucissioni
p’addimustrari la sò divozioni,
e pi nun jri a mani vacanti
sord’un purtavanu, ma ova tanti.

N’arrìari stava la povira genti
davanti, ammeci, paisani putenti.
Lu sacristanu avìa scampaniatu:
tutt’un paisi s’avìa allarmatu!

Pi na vasata a dda midagliedda
quarchi viscuattu o la ricuttedda
e ddu carusu si jva fissiànnu
mancu si fussi lu so compleannu.

Chi cunfusioni paisi paisi.
Nuddu ca dava nutizii pricisi.
E si quarchedunu avìa novità
socchi cuntava era veru a mità.

Avianu spiàtu a lu Mastru Nicu,
e a lu firraru Mastru Dduvicu,
‘mmiazz’a la chiazza a Mastru Pippinu,
a lu zzì Nofriu ca vinnìa lu vinu.

E nun vi dicu ni la Signurina.
Mentri vivivanu na Partannina
tanti dicivanu: "Vih chi prodigi!"...
... D’accordu ‘un n’era lu frati Luvigi.

Sul’ammancava ca na barracchedda
vinnissi càlia e li pallunedda.
E s’un taliavatu lu calannariu
pariva ca era già lu Rusariu.

E nostromentri ni dda casuzza
-c’assumigliava chiossà a na chisuzza-
sul’ammancava c’a Caluzzìaddu
ci priparassiru n’antaricìaddu.

Arricampannusi di la pirrera,
vitti sò pà dda genti ‘n priéra.
La cruci si fici, ma cu la manca,
e la sò facci c’addivintà bianca.

E sulu quannu piglià lu culuri
-cu vuci simili a gran tinuri-
dissi altiratu:"Sta cosa ‘un mi piaci
a lu ma figliu lassàtilu ‘n PACI".

Doppu si sappi chi cosa era statu:
la midagliedda s’aviva vagnatu,
ca ddu vavusu -tanticchia sbirsatu-
acqua di ‘n cuaddu s’aviva jttatu.

La sò famiglia, di nascita RICCA,
tribulazioni nun ni appi picca.
Chi fini fici, pua ddu picciliddu?
furtuna appi, ma è senza un capiddu.

M’a ddu carusu ca scars’era aìari
titulu dìattiru di cavalìari...
Antru miraculu di Muntidoru
ca a li sò figli li inchi d’oru.

Per quanto persuasivi possano apparire gli argomenti per dimostrare l'esistenza di Dio, fondati sulla cosmologia o sulla presenza di un ordine nel mondo della natura, si tratta pur sempre di prove molto indirette.

Taluni, però, affermano che la presenza di Dio si manifesti, attraverso i miracoli, direttamente nel mondo. Tutte le grandi religioni danno testimonianza di miracoli avvenuti in passato, come si può agevolmente vedere leggendo la Bibbia; e anche oggi, di quando in quando, si grida al miracolo. Conosciamo i miracoli di Lourdes, di Padre Pio, di Fatima…. Però, pochi sono a conoscenza di un miracolo avvenuto a Montedoro alla fine degli anni 50.
Questo avvenimento ha sconvolto la tranquillità del nostro piccolo paese. Tutti si chiedevano cosa fosse successo. Mastru Paulinu Burruso e mastru Nicu Fanci, Mastru Dduvicu, Mastru Pippinu, lu zzì Nofriu, personaggi caratteristici di Montedoro, erano sconvolti dal via vai di tanta gente e di questa processione in un giorno non festivo. Ma cosa stava succedendo in paese? Lascio la parola, o piuttosto la penna, a Nicolò Falci, perché racconti in versi questa edificante storia.

Quel fatto, che avrà provocato allarme nella comunità montedorese, è realmente accaduto (ed è stato raccontato da persone che possono testimoniarlo). Probabilmente si sarà trattato di un malinteso, amplificato dal parossismo di alcune persone devote che hanno contagiato gli altri paesani. Nicolò ci ha messo poi del suo, immaginando cosa potrebbe essere successo in paese al diffondersi della notizia.

Alfano Agostino (Carmelu Burrusu)

Miraculu, gridava 'u sacristanu,
miraculu, gridava puri 'u parrìnu,
miraculu, gridava tutta la genti,
sicura c'assistìa a granni eventi.

Tanuzzu ch'era un granni miscredenti,
tranquillu si ni stava 'nta la chiazza,
tantu ssà storia vecchia la sintìa,
tutti li santi iòrna, versu 'a la virmarìa.

Ma stavòta ch'era quasi mazziùrnu,
e ca callu facìa comu 'ntà un furnu,
l'ùacchi sgranà vidìannu Peppi Spessa,
ca currìa mancu fussi 'a mammatèssa.

Poviru Peppi Spessa era sciancatu,
e mai 'n vita sua avìa caminàtu:
comu putìa ora quasi vulari?
Sulu un miraculu, lu putìa spiegari.

E Tanuzzu ch'assistìva a tutta ddà scena,
di risati a mumenti nni muriva,
mentri la genti ca curriva e urlava,
sempri cchiù miscredenti lu pinsava.

Peppi Spessa curriva comu un dannatu,
pirchì a pidàti 'nculu era pigliatu,
d'un parrinu cu 'a varba e li scarpùna,
ca ad ogni pidàta vidìa quasi la luna,

e chi a tutta la genti avìa ordinàtu,
di cridiri forti senza avìri pinzatu,
pi evitari la fini di Peppi Valenti,
ch'avìa finutu tra li tizzùna ardenti.