Li lapi di Tufanu


"Làssami stari, caru Federicu,
ca st'annu ladia assà è la sunata;
'n'assamu di vespi, ca 'un ti dicu,
li lapi mi mancià e la milata.

Ddi vespi disgraziati malidicu
ca ìaru ad assartari la vriscata;
ora mi resta sulu l'allammìcu
e cianciu comu 'n'arma dispiziata".

"Curaggiu, cumpagnu socialista,
li lapi su' surdati di 'n'armata
ca morta si rifà com'era prima".
"Nun chianciu li surdati o la rigina,
ma 'u meli di sudda culurata
c'a farlu nun ci po' mancu 'n'artista".