La farfalla


Mentri iva a la Cuba 'na matina
la vitti ca pusava comu attrici,
sucava 'na russastra paparina
vibrannu comu ali di pirnici.

Pariva 'n'eleganti signurina
nisciuta appena appena d'a matrici,
ca lu picciùattu 'ncapu 'na banchina
talìa e ritalìa 'nsìami a l'amici.

Du' ali e 'na facciuzza bedda avìa
ca disignata parìa d'u gran pitturi
tant'era culurata virdi e gialla,
du' ùacchi ca sprizzavanu alligrìa
ca siddu la talìi tu t'innamuri:
nunn'era 'na carusa, ma farfalla.