LU BINOCULU      Stupenda invenzione di mio nonno: un binocolo per        vedere oltre ogni ostacolo. Persino le donne nude!   Dicìanu ca ma nannu avìa criatu 'nu binoculu sì stranu e sì 'ncantatu, ca taliànnu ddaìntra a ùacchi chiusi vidìatu cosi rari e stripitusi. Un jùarnu, ca curiusu, cci chidìa s’era vera la storia o dicerìa, mi dissi ca pi essiri sicuru ddaìnta avìa a taliàri cu lu scuru.  E trasìannu ni la stanza di lu 'ncantu, 'mmani mi detti ddu strummentu santu, dicìannumi: "Talìa ùnni tu vùa! Si fimmina tu vidi, la vidrai nuda!".  Curiusu e nun cridìannu a lu purtentu, a manuvrari mi misi ddù strummentu: e vidìannu ca passava 'na carusa mi parsi di vidìrla senza blusa!  Ma taliànnu e ritaliànnu seriamenti, sempri vistuta la vidìa la genti: e pinsannu ca ma nannu cugliuniava, cci dissi seriu 'nfaccia socchi pinsava!  "Sceccu!" mi dissi iddu arrisintutu, "si vidi ca si' propriu un po' alluccutu! Si la vùa vìdiri nuda e senza nenti, chiùi l'ùacchi e immagina cu 'a menti!".