Quannu vinìa Natali, a lu Paìsi,
pi li carusi era granni festa;
nun c'eranu li sordi pi li spisi
sulu un caddùazzu di sansizza a testa.

Di notti la genti n'chiesa curriva,
china di friddu e la viletta n'testa,
e taliànnu ddu bamminu ca nasciva
'na lacrima scinniva, lesta lesta.

Turnannu a la casa sutta lu sciallu
ni la pignata avìa linticchi e favi,
e sutta li gammi 'nu tancinu callu
cantannu fistiggiava lu Natali.